«Бізді қорғайтын ережелер»

«Ақмола облысы білім басқармасының Жақсы ауданы бойынша білім бөлімінің Қима ауылы Қ.Өскенбаев атындағы жалпы орта мектебі» КММ жанындағы «Аққу» шағын орталығында«Бізді қорғайтын ережелер» атты танымдық театрландырылған қойылым өтті.
Қойылымға шағын орталықтың тәрбиеленушілері педагогтармен бірге қатысты. Іс-шараға балабақшаға бармайтын ерте жастағы балалар мен олардың ата-аналары шақырылды. Ойын түрінде және балаларға түсінікті тілде жас әртістер үйде және көшеде қауіпсіздік ережелерін сақтаудың маңыздылығын көрсетті: бейтаныс адамдарға есік ашпау, жолда мұқият болу және қауіп туындаған жағдайда үлкендерден көмек сұрау.
Қойылым мазмұнды әрі әсерлі өтті. Көрсетілімнен кейін педагогтар ата-аналармен әңгіме жүргізіп, балалардың қауіпсіз мінез-құлық дағдыларын қалыптастыру бойынша ұсыныстар берді.