«Бала денсаулығы – өз қолымызда»

Жақсы ауданының білім бөліміне қарасты Ақмола облысы білім басқармасының «Қийма ауылының К. Ускенбаев атындағы жалпы білім беретін мектебі» жанындағы «Аққу» шағын орталығында консультациялық пункттің жоспарына сәйкес фельдшер А.Ш. Нұрғожина ата-аналармен «Бала денсаулығы – өз қолымызда» тақырыбында лекция өткізді.
Лекцияға шағын орталыққа келетін балалардың ата-аналарымен қатар, қазіргі уақытта балабақшаға бармайтын балалардың да ата-аналары қатысты. Кездесу жылы әрі мазмұнды жағдайда өтті.
Лекция барысында А.Ш. Нұрғожина балалар денсаулығын сақтау мен нығайтуға қатысты маңызды мәселелерді қозғады. Атап айтқанда:
- күн тәртібін сақтау және дұрыс тамақтану қағидаттары;
- гигиеналық дағдыларды қалыптастыру және аурулардың алдын алу;
- дене белсенділігінің және таза ауада серуендеудің маңыздылығы;
- баланың эмоциялық жайлылығы және отбасындағы қолайлы ахуалдың рөлі.
Лекция тәжірибелік кеңестермен, түсінікті ақпаратпен және ата-аналармен белсенді сұхбатпен сүйемелденді. Қатысушылар үлкен қызығушылық танытып, өз сұрақтарын қойып, тәжірибелерімен бөлісті, мектеп жасына дейінгі балаларды тәрбиелеу мен күтуге қатысты өзекті мәселелерді талқылап, білікті жауаптар алды.
Әсіресе, балалары әлі балабақшаға бармайтын ата-аналардың белсенді қатысқанын атап өткен жөн. Бұл олардың бала денсаулығы мен дамуына деген жауапкершілікті көзқарасын, сондай-ақ шағын орталықтың қызметі мен мүмкіндіктері туралы хабардарлығын арттырды.
Кездесу соңында қатысушыларға ақпараттық материалдар таратылып, медициналық және педагогикалық мамандармен одан әрі өзара байланыс жөнінде ұсыныстар берілді.