2025 жылдың 30 қаңтарында «Ақмола облысы білім басқармасының Жақсы ауданы бойынша білім бөлімі Қима ауылының Қабдеш Шардағұлұлы Өскенбаев атындағы жалпы орта білім беретін мектебі» коммуналдық мемлекеттік мекемесінде мектептің педагогикалық кеңесі өтті

Педагогикалық кеңестің күн тәртібі бойынша ағылшын тілі пәнінің мұғалімі Жакен Күнімжан Ерланқызы «Дифференциалды оқыту – ағылшын тілі сабақтарында білім сапасын арттыру құралы ретінде» тақырыбында баяндама жасады. Мұғалім ағылшын тілі сабақтарында сөйлеу әрекетінің түрлерін (оқылым, жазылым, айтылым, тыңдалым) дамытуға арналған бірнеше дифференциалды оқыту тәсілдерін көрсетті. 3,4,6 сынып оқушыларына арналған көрнекі және үлестірме материалдармен жұмыс жасау үлгілері көрсетілді. Сонымен қатар, Күнімжан Ерланқызы оқушылардың қызығушылығын арттырып, белгілі бір тақырыпты тиімді меңгеруге көмектесетін бірнеше пайдалы білім беру платформаларымен бөлісті.